Rhaglen Grundtvig: Cyfleoedd i Ddysgwyr a Darparwyr Addysg i Oedolion

Mae rhaglen Grundtvig yn rhan o Raglen Dysgu Gydol Oes newydd y Comisiwn Ewropeaidd a’i nod yw cryfhau’r dimensiwn Ewropeaidd mewn addysg i oedolion a dysgu gydol oes ar draws Ewrop.

Yn benodol, mae Grundtvig yn ceisio delio â sialens addysgol poblogaeth sy’n heneiddio, gan gynnig llwybrau amgen i oedolion er mwyn eu galluogi i ddiweddaru eu sgiliau a’u galluoedd.  Mae Grundtvig yn cynnwys pob math o gyfleoedd dysgu, os yw’r rhain yn digwydd yn y system addysg ‘ffurfiol’ neu ‘di-ffurfiol’ i oedolion, neu mewn ffyrdd ‘anffurfiol’, megis dysgu annibynnol, dysgu cymunedol neu ddysgu profiadol.

Gall unrhyw un ym maes addysg i oedolion gymryd rhan gan gynnwys dysgwyr sy’n oedolion, athrawon a hyfforddwyr o amrywiaeth o sefydliadau gan gynnwys awdurdodau lleol, sefydliadau anllywodraethol, elusennau, prifysgolion, grwpiau cymunedol, ac ati.  Yn rhaglen Grundtvig, mae ‘Oedolyn’ yn cyfeirio at bob unigolyn dros 25 oed a phob unigolyn rhwng 16 a 24 oed nad ydynt yn cael addysg gychwynnol yn y system addysg ffurfiol mwyach.

Mae grantiau ar gael ar gyfer ystod eang o weithgareddau.  Mae rhai enghreifftiau’n cynnwys sgiliau sylfaenol, ieithoedd tramor, addysg rhianta, y celfyddydau a diwylliant.  Mae pob prosiect yn ymwneud â gweithio gyda phartneriaid Ewropeaidd, gan gynnig profiad datblygiad personol a dysgu gwych i staff a dysgwyr.